.jpg)
3-р хорооллын 60-р дэлгүүрт анх электрон бараа худалдаалж эхлэв.
номин электроникс1-р сарын 22-нд худалдаа, үйлчилгээний чиглэлээр үйл ажиллагаагаа сайжруулан Номин Тав Трейд ХХК болж өргөжив.
3-р бичил хорооло Номин Супермаркет нэртэйгээр хамгийн анхны онлайн ПОС системтэй өөртөө үйлчлэх дэлгүүрийг байгуулж, бидний өргөн хэрэглээ, жижиглэн худалдааны түүхэн аяллын эхлэлийг тавив.
Монголын хөрөнгийн биржээр “Эрдэнэт Хивс” ХК-ийн нийт хувьцааны дийлэнхийг авч удирдах бүрэлдэхүүнийг шинэчлэн сонгов. Хувьцааны дийлэнх хувийг “Номин Холдинг” ХК эзэмшсэнээр ТУЗ-ийг шинэчилж, маркетинг, менежментийн шинэлэг арга хэлбэрийг нэвтрүүлж эхлэв.
“Номин Карт” банк бус санхүүгийн байгууллага нь бонус картын үйлчилгээ, даатгал, үл хөдлөх хөрөнгийн менежмент болон зуучлалын чиглэлээр анх 2000 оноос эхлэн үйл ажиллагаагаа явуулж эхэлсэн. Үүсгэн байгуулагдсан цагаас одоог хүртэл бүх салбар дэлгүүрээс хийсэн худалдан авалт бүрийн үнийн дүнгээс хамаарч 10% хүртэлх хувиар бонус оноог урамшуулал болгон олгож, хэрэглэгчдийн сэтгэл ханамжийг нэмэгдүүлсээр өнөөдөр 780,000 гаруй Номин бонус картын үнэнч хэрэглэгчидтэй болж үндэсний лояалти хөтөлбөрийг амжилттай хэрэгжүүлсээр байна.
1995 оны 12-р сарын 12-ний өдрийн Монгол Улсын Засгийн Газрын №106 -р тогтоолоор, "УИД-ийг гол зорилго зориулалтаар нь ажиллуулж, Их Дэлгүүрийн зэрэглэлийн хэмжээнд өөрчлөн шинэчлэхтэй холбогдуулан төсөл шалгаруулах журмаар “Хувьцаат компани” болгон өөрчлөн зохион байгуулж, нээлттэй дуудлага худалдаагаар хувьчлах" шийдвэрийг Монгол Улсын Засгийн Газраас гаргаж, “НОМИН Холдинг” ХХК 2000 оны 5-р сард дийлэнх хувьцааг нээлттэй дуудлага худалдаагаар хувьчилж авлаа.
“Номин Юнион” нь “НОМИН Сан” нэртэйгээр байгуулагдсан. Өөрсдийн мөнгөн хөрөнгөөс хоршоонд хувь нийлүүлэхдээ хөрөнгийн дутагдалтай, банкны зээлд хамрагдаж чадахгүй байгаа иргэдтэй зээлийн гэрээ байгуулан, тэдний амьдралыг сайжруулах нийгмийн хариуцлагатай үйлсийг хоршоогоор дамжуулан гүйцэтгэхээр зорьж үйл ажиллагаагаа эхлүүлсэн билээ.
.webp)
“Номин Даатгал” ХХК байгуулагдав. Байгуулагдсан цагаасаа хойш даатгалын зах зээлд 22 жилийн турш тогтвортой үйл ажиллагаа явуулсаар өнөөдөр 21 салбар, 9 санхүүгийн үйлчилгээний цэг, 200 гаруй төлөөлөгчөөр думжуулан даатгалын бүх төрлийн үйлчилгээг үзүүлж, үйл ажиллагаандаа дэвшилтэт техник технологийн шийдэл, олон улсын жишиг стандартыг нэвтрүүлэн ажиллаж байна.
.webp)
5-н сарын 28-нд Номин Групп өргөжин тэлж “Номин Холдинг” ХХК болон Борлуулалт Үйлчилгээ, Санхүү, Импорт Экспорт Дистрибюшн, Барилга, Үйлдвэрлэл Инженерингийн бизнесийн 5 чиглэлд 29 салбар компанитайгаар үйл ажиллагаагаа тасралтгүй явуулсаар байна.
Улаанбаатар Импекс салбар нь “Номин Трейдинг” ХХК-ийн импортын бизнес эрхлэгч 7 салбарын агуулах, “Номин Бизнес Клуб” Монголын анхны гишүүнчлэлтэй агуулах худалдаа, “Номин Дистрибюшн”-ийн түгээлтийн нэгдсэн цэг, “Номин Тав Трейд” ХХК-ийн Номин супермаркет, Хөдөө орон нутгийн түгээлтийн цэгийг нэг дор төвлөрүүлэн ажиллаж байна.
Бид 2003 оноос дэлхийн шилдэг брэндийн бэлэн хувцасыг Монголын хэрэглэгчдэдээ хүргэх зорилгоор "Номин Фэйшн" үйл ажиллагаагаа эхлүүлсэн. Mango, Calliope, Tom Tailor, Puma, Coccodrillo, The North Face, Geox, Clarks, Giudi, Daniel Hechter, Roy Robson, Bugatti гэх мэт дэлхийд танигдсан шилдэг брэндүүдтэй гэрээ байгуулж, албан ёсоор түншийн харилцаа тогтоон үйл ажиллагаагаа явуулж байна.
2004 оны 3 сард Дархан-Уул аймгийн худалдаа үйлчилгээний салбарт хөрөнгө оруулалт хийж Дархан Номин Худалдааны Төвийг нээв.
“Номин Реалтор” ХХК нь 2005 онд “Номин Холдинг” ХХК-ийн Хөрөнгө зохицуулалтын алба нэртэйгээр үүсгэн байгуулагдаж өөрийн салбар худалдааны төвүүдийн үл хөдлөх хөрөнгийн менежмент, ашиглалтыг хариуцан ажиллаж эхэлсэн.
“Хөвсгөл Усан Зам” ХК Монгол Улсад усан замын үйл ажиллагаа эрхэлж байгаа цорын ганц компани бөгөөд 2004 оноос одоог хүртэл "Номин Холдинг" ХХК-ийн хөрөнгө оруулалттайгаар аялал жуулчлалыг хөгжүүлэн ажилласаар байна.
Номин Моторс" компани нь "Номин Трейдинг" ХХК-ийн салбар компани болж 2006 оноос эхлэн автомашины худалдаа, засвар үйлчилгээ, тоног төхөөрөмж, сэлбэг хэрэгслийн худалдааны чиглэлээр үйл ажиллагаагаа явуулж эхэлсэн.
Nомин Eshop нь 2008 онд Монголын анхны Онлайн худалдааны сайт болон үйл ажиллагаагаа явуулж эхэлсэн. Байгуулагдсан цагаасаа тасралтгүй сайжруулалт, хөгжүүлэлт хийж, барааны хамгийн өргөн сонголтыг хэрэглэгч нартаа санал болгон, хот хөдөөгийн өнцөг булан бүрээс захиалга авч, хэрэглэгчдэд худалдан авсан бараа бүтээгдэхүүнийг хурдан шуурхай хүргэж, хэрэгцээт бараагаар ханган ажиллаж байна.
“Номин Косметикс” нь дэлхийн гоо сайхны болон арьс арчилгааны шилдэг брэндүүдийг Монголдоо түгээх зорилготойгоор анх үйл ажиллагаагаа явуулж эхэлсэн. Тус салбар нь өнөөдөр нийт 64 салбар сүлжээ дэлгүүрээр гоо сайхан, арьс арчилгааны бүтээгдэхүүнээс гадна өргөн хэрэглээний, цэвэрлэгээний, хүүхдийн, эрүүл мэндийн бараа бүтээгдэхүүнийг Монголын хэрэглэгчдийн эрүүл аж төрөх хэрэгцээ шаардлагад нийцүүлэн импортлон нийлүүлж, үйл ажиллагаагаа улам тэлэн, амжилттай ажилласаар байна.
"Номин Холдинг" ХХК -ийн 20 насны ойн баярыг тэмдэглэн өнгөрүүлэв.
Баянгол дүүрэгт таван давхар дэлгүүрт супермаркет, цэцгийн тасаг, Номин Фэйшн, Номин Электроникс, Номин Энержи, мобайл операторууд, гар утас, дагалдах хэрэгсэл, банк, гоо сайхны бүтээгдэхүүн, хувцас хэрэглэл, спорт бараа, тавилга, ном, бичиг хэрэгслийн бараа гэх мэт худалдаа үйлчилгээний Номин Их Дэлгүүр байгуулагдав.
Хан-Уул дүүрэгт байрлах +17,000 м2 талбайтай 5 давхар бүхий худалдаа үйлчилгээний төвд Номин Холдинг ХХК-ийн төв оффис, санхүү, даатгал, банкны үйлчилгээ, зоогийн газар, үсчин гоо сайхан, өргөн хэрэглээний бараа худалдаа, супермаркетын үйлчилгээг нэг дор төвлөрүүллээ.
Смарт Энержи ХХК нь үйлчлүүлэгчдэд цахилгаан эрчим хүч түгээх, нийлүүлэх зорилгоор байгуулагдав.
Enjoy Electronics брэнд нь хэрэглэгчийн тав тух, сэтгэл ханамжийг дээд зэргээр хангах шинэлэг бүтээгдэхүүнүүдийг нэвтрүүлэх зорилгоор байгуулагдав.
“Номин Ойл” ХХК нь газрын тосны салбартаа шинийг илэрхийлж, Монголын анхны өөртөө үйлчилдэг шатахуун түгээх станцыг байгуулж чанартай түлш, шатахуун импортлогч, ханган нийлүүлэгчдийн нэг болж байгуулагдав.
.webp)
Олон улсын үл хөдлөх хөрөнгө зуучлалын #1 франчайзыг Монголын зах зээлд анх нэвтрүүлснээр анхны зуучлалын оффисоо CENTURY 21 Top Realty нэртэйгээр нээн үйл ажиллагаа явуулж эхэлсэн.
Барилгын салбарын томоохон төлөөлөл болох "Номин Стандарт", "МММ Трейд" ХХК-ийг нэгтгэж, Монгол Улсад анхны "Барилгын Хайпермаркет" -ийг бий болгох зорилгоор "Номин Мишээл" ХХК-г байгуулав.
"Номин Холдинг" ХХК нь дэлгүүрээр үйлчлүүлэх шинэ хэв маягийг тодорхойлох ЭкоЭкспрэсс конвенинс дэлгүүрүүдийг орчин үеийн залуучуудад зориулж нээлээ. Өнөөдөр хэрэглэгчид үйлчлүүлэгчдэд улам ойртон нийт 11 салбар конвенинс дэлгүүр үйл ажиллагаагаа амжилттай явуулж байна.
.jpg)
2020 оны 6 сарын 7-ны өдөр Улсын Их Дэлгүүрт гэнэтийн галын аюул учирч, УИД ХК -ийн хувьцаа эзэмшигчид, харилцагч, түрээслэгчдийг асар их эд хөрөнгөөр хохироосон харамсалтай үйл явдал тохиолдсон билээ. Энэхүү хүнд хэцүү цаг үед гар сунган сэтгэл санааны дэм болж байсан харилцагчид, түрээслэгчид, нийлүүлэгчид, хамтрагч түнш комданиуд, олон мянган сэтгэгдлээ ирүүлсэн хэрэглэгч үйлчлүүлэгчиддээ Номин Холдинг ХХК -ийн хамт олон гүнээ талархаж байдаг. Тэднийхээ дэмжлэгийн хүчээр 100 жилийн түүхт Улсын Их Дэлгүүрээ сэргээн засварлах ажлууд амжилттай хийгдэж дууссан билээ.
Улсын Их Дэлгүүр нь анх Зөвлөлт Холбоот Улсын мэргэжилтнүүдийн тусламжтайгаар суурь нь тавигдан Төв дэлгүүр нэртэйгээр ашиглалтанд орсноос хойш 100 жилийн түүхийг бүтээж өв соёлоо хадгалан ирсэн Монгол улсын Түүхэн дурсгалт барилга байгууламж, биет соёлын өвийн нэг болсон үнэ цэнэтэй байгууламж юм. Монгол Улсад Худалдааны байгууллага үүсэж хөгжсөний 100 жил, “Улсын Их Дэлгүүр” үүсэж хөгжсөний 100 жилийн ойг тохиолдуулан шинэчлэгдэн засварлагдаж үүд хаалгаа нээгсэн.
