Монголын үндэсний харваачдын холбооноос зохион байгуулсан  2022 оны Монгол улсын насанд хүрэгчдийн улсын аварга шалгаруулах харваа наадам Монгол улсын ахмадын улсын аварга шалгаруулах тэмцээн Төв болон Говь-алтай аймгуудад зохион байгуулагдаж нийт 50 гаруй байгууллагын 1400 харваач оролцсон наадам болж өндөрлөлөө.

Тус тэмцээнд “Номин Холдинг ХХК”-ийн Номин үндэсний сурын клубийн тамирчид маш амжилттай оролцлоо.

Ахмадын улсын аварга шалгаруулах тэмцээнээс Монгол улсын мэргэн, Олон улсын хэмжээний мастер  Номин үндэсний сурын клубийн багш Б.Бутваан тэргүүн байрт шалгарч алтан медаль, Монгол улсын насанд хүрэгчдийн улсын аварга шалгаруулах тэмцээнээс “Номин Реалтор ХХК”-ийн Архитектор, Аймгийн гоц харваач, Үндэсний сурын спортын мастер, Номин үндэсний сурын клубийн багш дасгалжуулагч Э.Дуламжав тэргүүн байрт шалгарч алтан медаль хүртлээ.

Мөн “Номин Холдинг ХХК”-ийн харваачид багаараа 50 -аас дээш хувийн амжилт үзүүлэн байгууллагын дүнгээр  шилдэг 10-т шалгарлаа.

‍

‍

АЛТАН ГАДАС ОДОНТ

"НОМИН ХОЛДИНГ" ХХК

2022.06.29